Қостанайдағы УК 161/4 жазасын өтеушілер мекемесінде уланып қалған 4 сотталушы арнайы палатаға көшірілді.
Әулиекөл аудандық орталық ауруханасында мәлім етілгендей, жазасын өтеушілер мекемесінде уланып қалған 4 сотталушы жансақтау бөлімінен шығарылды деп хабарлады ҚазАқпарат.
«Органикалық сұйықтықтан уланып қалған төрт сотталушы арнайы палатаға көшірілді. Олардың жағдайлары бірқалыпты. Сотталушылар дәрігерлер мен тәртіп сақшыларының бақылауында. Ауруханадан қашан шығарылатыны белгісіз. Тиісті ем-дом шараларын алып жатыр», – деп хабарлады Әулиекөл аудандық ауруханасындағылар.
Айта кетейік, қайғылы оқиғаға байланысты іс бірыңғай тергеу тізіліміне тіркелді, Әулиекөл аудандық ІІБ қызметкерлері сотқа дейінгі тергеу амалдарын жүргізіп жатыр.
Сондай-ақ,
Қостанай облыстық атқару комитетінде Құсмұрын колониясында болған оқиғадан кейін тұтқындардың туыстары үшін ақпараттық қызмет телефоны ашылды.