Министрліктер қазынадан бөлінген миллиардтарды биыл да сауатты жұмсай алмаған. Бұл туралы КТК хабарлайды.
Қыркүйектегі мәліметтер бойынша, жаратылмаған бюджет ақшасының жалпы сомасы 115 млрдқа жуық. Оның 13,2 млрды үнемделсе, 101,6 млрды мүлдем іске жарамай отыр.
Қолда бар ақшаны жарата алмағандардың көшін Денсаулық сақтау министрлігі бастап тұр. Ведомство 20 миллиардтан астам теңгені шотқа салып қойып, қамсыз отырған. Кәрім Мәсімов басқаратын Ұлттық қауіпсіздік комитеті 10,6 млрдты игермеген.
Бұған шенеуніктердің өздері кінәлі. Себебі, тендерді кеш өткізіп, қағазбастылықты көбейтіп жіберген.