Биыл «Қазақстан барысы» атану үшін 37 спортшы күш сынасады. Олар еліміздің 14 облысы мен үш қаласынан суырылып шыққан балуандар.
Ал өткен жылы жарыс жеңіvпазы атанғандар бәсекеге іріктеусіз қосылады деп хабарлады Vesti.kz
Алтын белбеу иесіне берілетін қаржылай сыйлық қомақты. Бірінші орынға 25 миллион теңге, ал бапкеріне 3 жарым миллион теңге беріледі. Балуандар 29 маусым күні салмақ өлшейді. Ал байрақты бәсеке 1 шілде күні «Барыс Аренада» өтеді.
– Амандық болса, биыл Алматы облысында, Талдықорған қаласында өткізетін жоспарымыз бар. Жалпы, біздің облыстар, әкімдер біз неге өткізбейміз деп сұрап жатыр. Сондықтан біз географиясын көңейтеміз. Тағы «Каспий барысы» деген жоба дүниеге келетін шығар, Каспий теңізі жағасындағы мемлекеттерге арналған, – деді «Қазақстан барысы» қорының төрағасы Арман Шораев.