“Қылмыңдадың ғой…”. Қонақта сүйіктісін қызғанған жігіт оны сабап, қылқындырып өлтірді
Өз сүйіктісін азаптап өлтірген Қостанай облысындағы Меңдіқара ауданы Теңіз ауылының тұрғынына қатысты сот болды.
Қайғылы оқиғаға қатысты қылмыстық істі Қостанай облыстық қылмыстық істер жөніндегі мамандандырылған ауданаралық соты қарады, – деп хабарлайды Alau.kz.
Қылмыс биыл 25-мамырда болған. Өтепов өз сүйіктісімен бірге танысына қонаққа барған. Араққа сылқия тойған жігіт ағасы сүйіктісін бас салып, төпелей жөнелген.
“Саусағымен көзін шығарып, Ибраеваға дене жарақатын салған”, – деді мемлекеттік айыптаушы Рустам Даутов.
“Ибраеваға кеуде тұсына және денесіне жұдырықпен ауыр соққылар жасаған, кеуде тұсына асхана пышағымен жарақат салған. Содан соң ол қолындағы пышақты тастай салып, оның үстіне мініп, есінен танып, сылқ еткенше тамағынан қылқындырған”, – делінген айыптау мәтінінде.
Зардап шеккен қыз оқиға орнында қаза тапқан. Өтеповтің әрекеті “Аса қатыгездікпен денсаулыққа көрінеу ауыр зақым келтіру” және “Адам өлтіру” баптары бойынша қарастырылды. Сотталушы өз кінәсін толықтай мойындап, өз ісіне өкінді.
Өтепов Ибраеваны өте қатты жақсы көргенін және оның кетіп қалатынын білген соң осындай қатыгез әрекетке барғанын айтты. Қазіргі уақытта процесте куәгерлерден жауап алу процесі өтіп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе