Қу Ресей. Олар кезінде Галышеваны өтірік күйеуге беріп, Ресей азаматы етпек болыпты

Бұл жайында «Чемпионат» сайтының бас редакторы Евгений Слюсаренко Facebook-тегі парақшасында жазыпты:

«Қазақстаннан шыққан Юлия Галышева – Олимпиада ойындарында могулдан қола жүлде алды. Бұл бұрынғы кеңестік елдердің ішінде осы спорт түрінен медаль алған екінші қыз. Оны Ресей туының атынан өнер көрсететін ету туралы әңгіме Сочи олимпиадасы басталмай тұрып-ақ пайда болған. Сонда қазір Ресейде екі қола медаль болушы еді.

Галышеваны «ресейлік» етудің жалғыз ғана жолы болған еді. Оны Ресей азаматына күйеуге беру керек болды. Алайда ол тұрмысқа шығып алған екен.

Сосын оны өтірік ажыратып, ресейлік біреуге өтірік үйлендіретін жоспар құрылды. Оған өтірік күйеу болуға келіскен адамды да жақсы танимын.

Ең соңында Галышевамен ақша жайында келісу ғана қалған еді. Бірақ ол қыз көнбей қойды», деді журналист.