Қазақстанның Сыртқы істер министрлігінің өкілдері Қытайда қазақстандық студент қыз ұсталды делінген мәліметке қатысты түсінік берді. ҚР СІМ баспасөз қызметінің жетекшісі Әнуар Жайнақов Tengrinews.kz тілшісіне дипломаттардың БАҚ-тарда жарияланған мәліметтерді тексеріп жатқанын хабарлады.
Осыған дейін Qamshy.kz rfa.org басылымына сілтеме жасай отырып Шығыс Қазақстан облысы мемлекеттік университетінің студенті Аққу Еренбектің ұсталғаны жайлы хабарлаған болатын. БАҚ мәліметінше, бұл оқиға Майқапшағай-Жеменей шекара пунктінде болған.