ҚР Ұлттық қауіпсіздік комитетінің бұрынғы басшысы Нартай Дүтбаевтың інісі Рүстембек Дүтбаев қамауға алынды.
Бұл туралы Астана қаласындағы №2 соттың баспасөз қызметі хабарлады.
“2017 жылы 28-қыркүйекте Астана қаласының Есіл аудандық № 2 сотында күдікті Дүтбаев Рүстембек Нұртайұлына қатысты қамауға алу туралы бұлтартпау шарасы қарастырылды. Күдікті Рүстембек Дүтбаевты екі ай мерзімге, яғни 27-қарашаға дейін қамауға алу туралы сот үкімі шықты„ делінеді соттың хабарламасында.
“Соттың үкімі бойынша Нартай Дүтбаев ҚР Қылмыстық кодексінің 172-бабына сәйкес мемлекеттік құпияны жария етті, қызметтік өкілін асыра пайдаланды (ҚР ҚК-нің 451-бабы) деп танылып, оған 7 жыл 6 айға бас бостандығынан айыру жазасы тағайыналды, ол өмір бойына мемлекеттік қызметке тұра алмайды. Дүтбаевты генерал-лейтенант әскери шенінен және мемлекеттік сыйлығынан айыру туралы ұсыныс енгізілді”, – делінген ҚР Әскери сотының сайтында.