Қостанай облыстық қылмыстық істер жөніндегі сотында Қарабалық ауданының тұрғынына қатысты сот процесі аяқталды. Ол жергілікті мектепте оқитын 9-сынып оқушысын зорлап тастады деп айыпталған.
Бұл туралы Stan.kz хабарлайды.
Сот отырысындағы куәгерлердің сөзінше, оларға қыздың зорланғаны туралы тек жүктіліктің белгілері байқала бастағанда белгілі болған.
Бастапқыда ер адам барлығын жоққа шығарып, кінәсін мойындамады. Алайда оны азаматтық некедегі әйелі ДНҚ сараптамасының жасалуын талап еткен. Өз кезегінде сараптама тұтқындалған ер адамның сәбидің әкесі екенін растады.
Сотқа дейінгі тергеу амалдары кезінде ер адам қызды зорлағаннан кейін, онымен тағы бірнеше рет жақын қарым-қатынаста болғаны анықталды. Алайда ер адам кейінгі кездесулерінің екі тараптың келісімі бойынша болғанын айтты.
Ер адам өз әрекеті үшін қылмыстық жауапкершіліктен қашу үшін, сот тыңдалымы кезінде оқушы қызға үйлену туралы ұсыныс та жасады. Алайда бұл ұсынысы айыпталушыны құтқарған жоқ.
Сот шешімі бойынша, ол кінәлі деп танылып, 11,5 жылға бас бостандығынан айыру жазасына кесілді.