«Қоршау қоймаған». Таразда жөндеу үшін қазылған шұңқырға көлік түсіп кетті

Әлеуметтік желілерге тараған видеоларда Lexus RX300 көлігінің шұңқырға түсіп кеткен сәті көрсетілген. Көлікті бір отбасы мүшелері, оның ішінде балалар да болған. Оқиғаны видеоға түсірген әйел жол белгісі болмағанын, сол себепті көлік иесі байқамай, шұңқырға құлап түскенін айтады.

«Мына кісілер бізді құтқарып қалды. Ешқандай белгі жоқ. Біз де түсіп кете жаздадық. Анау баланың жағдайы масқара болып жатыр», – дейді видеоға түсірген әйел.

Төрт метр тереңдікке құлаған көліктегі төрт адам әр түрлі дене жарақатын алды. Төле би мен Абай даңғылы қиылысындағы жол бөлігі жылу желілерін қайта жаңғырту жұмыстары үшін жабылған. Полицияның айтуынша, Lexus автокөлігінің жүргізушісі жол белгілеріне қарамай өтіп кеткен.