Актриса Айгүл Иманбаеваны тастап, әнші Алтынай Жоарабаеваны алған „Тақия мен мафия„ театрының бұрынғы директоры Сәбит Әбдіқалықов тағы да ажырасты.
Отау құрғандарына 15 жыл болған қос өнер адамының арада төрт қызы бар. Ажырап кетсе де Алтынай бертінге дейін мұнысын көпшіліктен жасырып келген еді. Алайда отбасы машақатына басын ауыртпаған күйеуіне деген өкпе жеңіп, бертінде бұл туралы ашық айта бастады. Сөйтсек Алтынайдың ғана емес, оның әке-шешесінің де бұрынғы күйеу балаларына өкпесі зор боп шықты.
Бұл туралы 31 арнаның “Айта берсін” бағдарламасында айтылды.
“Алтынайдың 40 жылдық өмірі көз алдымызда, артық қимылы жоқ екенін білеміз”, – деген Алтынайдың әкесі Құлажан мырза бұл арада кінәрат қызында емес екендігін айтқысы келгендей.
“Сыйлағанды түсініп, одан бетер жолдасын сыйлай түсетін ер адамдар болады. Бірақ тағы біреулері, керісінше, сыйлағанды білмей, қоқаңдап кетеді. Мағынасын өздеріңіз де түсініп тұрған шығарсыздар. Бірақ Алтынай шешесінің тәрбиесін алған қыз, ердің алдына шықпа, соған күйеуге тидің бе, соның айтқаны заң деп тәрбиеледік. Бірақ соған келді. Жаңа айтқанымдай, түсінетіні бар, түсінбейтіні бар, көтеретіні бар, көтермейтіні бар”, – деді Алтынайдың әкесі.
https://kaz.365info.kz/bari-zhygirip-ketti-nazarbaev-altynaj-zhorabaevanyn-kholyn-aldy-video-293531
Бұл сөзден “жаман атқа жал бітсе, жанына торсық байлатпас”, – дегеннің кері келді дегенді ұққандай болдық.
Бұл пікірге әншінің анасы Жаңыл апай да қосылды.
Айта кетелік, алдында Алтынай Жорабаева күйеуінің қыздарын керек қылмайтынын ашып айтып, ашынып сұқбат берген еді.
https://kaz.365info.kz/zhalynbajmyz-goj-altynaj-zhorabaeva-kyjeuinin-khyzdaryn-kerek-khylmajtynyn-ajtty-286348