Қазақстанның еңбек сіңірген артисі Асанәлі Әшімовтың жары Бағдат ханым әлеуметтік желіде қызу талқыға түскен видеоға қатысты пікір білдірді. Сөйтсек бұл Канн кинофестивалі кезінде түсірілген видео екен.
Бағдат Әшімова желідегі көпшіліктен ауыр сөз жазбауды өтінді. Өйткені ол Асанәлі ағамыздың денсаулығына алаңдаулы екенін айтады. Бұл туралы атақты артисттің жары Instagram-дағы жеке парақшасында жазды.
«Отбасылық достарға, туыстарға, қуанышымды жасыра алмай Канн кинофестивалі кезіндегі жіберген видеом осындай талқыға түседі деп ойламаппын.
«Ораза кезінде бұнысы несі?» деп қаншама ауыр сөз жазып жатқандарға айтарым. Асекең өнер адамы, көңіл-күйдің, эмоцияның адамы. Басынан қанша тағдыр өтті. Өмірді қалай сүруді, өмірдің мәнін, обал-сауап бәрін білетін адам, халқына қадірлі адам.
https://kaz.365info.kz/shamasy-zhokh-asanali-ashimov-pen-ajeli-arakh-iship-otyr-video-316173
Франция еліне барып қызыл кілеммен жүрiп қайттық. Канн қаласын аралап, керемет күй кештік. Шығармашылық адамының жары ретінде маған да бұл күндер ұмытылмастай әсер қалдырды. Сол бір сәтiмiздi жақындарыммен бөлiciп, эмоциямды жасыра алмай Аскеңе еркелеп, осындай ғажайыптарды көруге себепкер болған ол кiciге алғыс айтқым келді. Оның бәрі видео түсіріп жатқанда автоматты түрде шыққан шаттану еді.
Сан-саққа жүгipтiп, көңілiмiздi ауыртпаңыздар, өтiнiш.
Оразаларыңыз қабыл болсын!„ делінеді жазбада.