“Қисынсыз…”. Тоты Әмірова “бортсеріктер қазақ тілін білуге міндетті ме?” деген сауалға жауап берді

“Әлемдегі ең үздік әрі қауіпсіз әуе компанияларының бірі Emirates (БАӘ) бортсеріктерді бүкіл әлемнен жинайды және олардың барлығы бірдей араб тілін білмейді. Алайда арабтар қысым көрдік деп жатқан жоқ қой, әрине, түрлі елдің жолаушыларына ыңғайлы болу үшін экипаж құрамында көптеген тілді білетін бортсеріктер де бар. Жаһандану дәуірі келді, мұны түсінген және соған икемделген нарық ұтып жатыр, осының арқасында туризмді өркендетіп отыр”, — деп түсіндірді Әмірова.

Комитет төрағасы орынбасарының міндетін атқарушы ұшу қауіпсіздігі мәселесінен саяси астар іздеу дұрыс емес пікірде, өйткені халықаралық рейстердің бортсеріктері тілді ең алдымен ұшу қауіпсіздігін қамтамасыз ететіндей деңгейде білуі тиіс, олардан заң терминдерін білуді талап ету қисынсыз.

Естеріңізге сала кетейік, тамызда Air Astana жолаушысы Оғыз Доғанға әуе кемесінде қауіпсіздік ережесін сақтаудан бас тартқаны үшін айыппұл салынған боалтын. Ол бортсерік қазақ тілінде түсіндірмегені үшін қайырмалы үстелді бекітпеген.

“Эйр Астана” жолаушысы жариялаған видеоролик әлеуметтік желілерде үлкен резонанс туғызды. Қорланған жолаушы компанияны сотқа беріп, жеңіп шықты. Алматы қаласы Түркісіб ауданының соты Оғыз Доғанның талабына сәйкес, Air Astana әуекомпаниясын өз клиенттеріне мемлекеттік тілде қызмет көрсетпегені үшін қазақ халқынан кешірім сұрауға және бортсеріктерді қазақ тілін үйренуге міндеттеді.

Сонымен қатар, әуе компаниясы Оғыз Доғанға 1 (бір) теңге көлемінде моральдық өтемақы төлеуі тиіс.

Дереккөз: sputniknews.kz