Халық банк екі қытай банкімен ірі келісімге қол жеткізді. Осылайша Altyn Bank акциясының 60 проценті аспан елі инвесторларына сатылды.
“Қазақстанның Халық банкі” АҚ “Altyn Bank” АҚ-тағы үлесінің 60 процентін сату бойынша келісімді аяқтады.
Баспасөз хабарламасында айтылғандай,
China CITIC Bank Corporation Limited (CITIC Bank) банкі акциялардың 50,1 процентін, ал China Shuangwei Investment Co., Ltd. (Shuangwei) 9,9 процентін сатып алған.
Бірақ қазақстандық акционерге Altyn Bank капиталының әлі де 40 процент үлесі тиесілі, сондықтан тараптар арасында бекітілген акционерлік келісімге сәйкес, белгілі бір құқықтарға ие болады. Қытай және Қазақстанның реттеуші органдары мақұлдаған соң жоғарыда аталған келісімге қол жеткізілді.
2017 жылдың соңындағы ахуал бойынша, банк активтері 386,6 миллиард теңгені құрайды, ал капиталы – 53,8 миллиард теңге.