БАҚ-та Қазақстанның 13 азаматы Грекияның орманын өртеп жібергені туралы ақпарат тарады
Грек елінің билігі яхтадан отшашу атқан 13 адамды тұтқындады. Себебі оның шоғы Афины маңындағы аралдағы орманға түсіп, өрт шыққан. Бірнеше грек бұқаралық ақпарат құралдарының мәліметінше, өртке түрткі Қазақстан азаматтары.
Кінәлілерге 20 жылға дейін бас бостандығынан айыру және 200 000 евро көлемінде айыппұл төлеу жазасы қарастырылған, деп жазады Guardian газеті. Ресми тұрғыда күдіктілер туралы ақпарат тарамады. Алайда грек бұқаралық ақпарат құралдары аралдың бір бөлігін өртеп жіберген отшашуды Қазақстаннан келген туристер атқанын жазады.
Makeleio.gr басылымының жазуынша, «Қазақстаннан келген бір топ шал-шауқан» Грекияға келіп, ойына келгенін істегісі келген. Содан Гидраны (арал атауы – шамамен) өртеп жібере жаздады» деп жазыпты.
Skai.gr деген басылым болса, Қазақстаннан келген туристердің яхтаны жалға алуға ғана қатысы барын, қазір олардың босатылғанын жазады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз