Сенбі-жексенбі мен мереке күндерін қосқанда, тамыз айында қазақстандықтар он күн демалады.
Бұл туралы Sputnik.kz хабарлады.
Елімізде мұсылман күнтізбесі бойынша аталып өтілетін Құрбан айттың алғашқы күні демалыс болып саналады. Биыл Құрбан айттың бірінші күні 21 тамызға тура келіп тұр.
ҚР Еңбек кодексінің 85-бабы 3-тармағына сәйкес, мереке күндері кезінде жұмыс уақытын тиімді пайдалану мақсатында үкімет демалыс күндерін басқа жұмыс күндеріне ауыстыруға құқылы.
Үкіметтің 2018 жылы демалыс күндерін өткізу туралы қаулысына сәйкес, қазақстандықтар 25 тамыз, сенбі күні жұмыс істейді. Ал 31 тамыз, жұма күні демалады. Осылайша, 30, 31 тамыз және 1,2 қыркүйек – демалыс күндері.