Нұр-Сұлтан
Қазір
-6
Ертең
-2
USD
431
0.00
EUR
516
0.00
RUB
5.68
0.00

Қазақстандық музыканттар ресейлік нарық деңгейінен асып түсті

Қазақстанның солтүстігіндегі Павлодар облысының Ақсу қаласының тумасы 20 жастағы музыкант Иманбек Зейкенов 2019 жылы Saint Jhn рэпердің Roses атты трегін би форматына келтіріп, өңдеген, деп жазады “Новая газета”.

Зейкенов Saint Jhn-мен байланысып, рұқсатын алғысы келген, бірақ ол жауап жазбаған, сондықтан жігіт алдымен ремиксті өзі үшін жасап көреді. Ал трек аяқ асты танымал болып кетеді. Трек бірнеше рет платина мен гауһар жүлделер иеленеді, 20 апта қатарынан ірі әлемдік хит-парадтарда көш бастап тұрады, 2019-2020 жылдардағы ең танымал билейтін хиттердің бірі болды. Ал Иманбектің өзі 2021 жылы бүкіл әлемдегі басты музыкалық марапат — “Грэмми” сыйлығын алған алғашқы қазақстандық музыкант болды.

Қазақстан тумасы тұңғыш рет “Грэмми” номинациясына ілікті, бірақ бірақ оның жеңіске жететіні сөзсіз еді.

Қазақстандық музыканттар Ресей нарығында жұмысын жалғастыра отырып, біртіндеп оның деңгейінен асып, енді әлемдік сахнаға шыға бастады.

Жылдар бойы қазақстандық композитор немесе әнші үшін ресейлік продюсер қанатының астына өту басты мақсат болып келген еді.

Бірақ

елдің дәл осы “кенже іні” комплексі қазақстандық таланттарға ресейлік әріптестерінен асып түсуіне көмектесті

қазір енді Ресей қуып жетушілер қатарында.

Бұл бірнеше маңызды элементтің арқасында мүмкін болды. Ресейде үнемі жүргізілетін мәдени насихат кері әсер етіп жатыр. Дарынды музыканттар, сықақшылар, режиссерлер мен басқа да шығармашылық адамдар ұсынылатын эталон өнімге қарайды да — бұдан әлдеқайда жақсы жасай алатындығын түсінеді. Ал қазақстандықтар мен ресейліктердің шығу деңгейлері әртүрлі болғандықтан, Иманбек сияқты адамдар өнімді жасау және жылжыту бойынша жұмыс ұзаққа созылатынын біледі. Осындай

тәсіл Қазақстандағы шығармашылық адамдарға ресейліктердің өздеріне деген немқұрайлықты тез арада жоюға мүмкіндік берді.

Скриптонит пен Jah Khalib сияқты музыканттар “біздікі емес” деп қазір кім айтады? Керісінше, бәрі әндерінен рахаттана тыңдап, қосылып айтады.

Комик Нұрлан Сабуров тек қазақстандық нарыққа жұмыс істейді деп кім айтады? Керісінше, оның әзілі ресейліктерге түсінікті ғана емес, сонымен қатар қазақтың ресейліктердің өміріне жоғарыдан қарайтындықтан әлдеқайда өткір көрінеді.

Қазақстанның Ресейдегі өкілдері өздерінің шығармашылық слоттарында тез арада үздік атанды — ал мұндай жағдайда екі бағыт бар: не осы позицияны ұстап тұру, не алға жүруге тырысу керек. 20 жастағы жасөспірімдер (және одан кішілер) екінші жолды таңдайды, себебі ресейлік шығармашылық Олимп тар екенін және ол нео-кеңестік социалистік реализмнің қайта оралуына байланысты одан сайын тарылып жатқанын ұғады,

музыканттар бірден өз шығармашылығын басқа әлемдік нарықтарға бағыттай бастады.

Міне, Ақсу қаласының тумасы Иманбек “Грэмми” алды. Ақтөбелік жігіт Димаш Құдайберген қандай да бір себептермен Андрей Малаховтың эфирінде жүргенімен, Қытай мен АҚШ-та өнер көрсетуінен әлемге танымал.

Ал оларға ілесіп,

Данэлия Төлешова келе жатыр,

ол әлі 18-ге де толған жоқ, соған қарамастан “Голос” және America’s Got Talent сияқты шоуларды жарып жатыр.

Бұл тек музыка ғана, сондай-ақ әзіл-оспақ, кино (Әділхан Ержановтың фильмдері Канн марапаттарына жақындап келеді, “Ерекше көзқарас” бағдарламасында көрсетілуде), опера, спорт, бизнес бар. Ресейді басып озып, біртіндеп бұрынғы КСРО аумағында бар жағынан көшбасшы бола отырып,

Қазақстан мұрын шүйіруді мүлдем ойламайды, керісінше күш-жігерін жинақтап, басқалармен бірігіп жұмыс істеуге дайын.

Музыкаға келер болсақ, көптеген әлемдік жұлдыздар Қазақстанға бейнебаян түсіруге аттанып жатыр. Бірнеше жыл бұрын мұны Noize MC және “Монеточка” (“Чайлдфри” бейнебаяны) жасады, қазір “Би-2” (“Пекло”) Алматы мен оның маңында түсірілуде, сондай-ақ Тиль Линдеманн бейнебаян түсірді.

Мәселе тек ресейлік орындаушыларды, композиторларды, актерлерді және т.б. осыған ұқсас бәсекелестікке итермелей ме, әлде олар барлық рөл алдын-ала жоспарланған әлемде, жайлы орында қалуды жөн көре ме? Бірінші нұсқа өзімен көп күш жұмсауды талап етеді, бірақ үйреншікті ортадан шығып, өз жұмысында жаңа дүниені көруге тырысатын таланттар елде көп сынға ұшырайды – жақында Манижамен болған оқиғаны еске түсіріңіз. Бұл ретте қазақстандықтардың ресейліктер алдында тағы бір бәсекелестік артықшылығы бар:

әлемде бір нәрсеге қол жеткізген кез келген отандасты Қазақстан тұрғындары төбесіне көтеруге дайын.

Олар өздерінің азшылық екенін түсінетін сияқты — және әр адамның маңызы зор, ал Ресейде өз адамдарына аяушылықпен қарамайды.

* Автор – Ресейде 2017 жылдан бері жұмыс істейтін Қазақстан азаматы.

Серіктестер жаңалықтары
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз