Қазақстандық танымал блогер Ержан Рашев ел тұрғындарының тұтастай қазақша сөйлегенін қалайды. Әрі өзі де қазақ тілін үйренуді бастап кетті, деп хабарлайды Today.kz.
“Әрине, менің шала қазақшаммен бұлай айтқаным дұрыс емес шығар. Бірақ мен бүкіл қазақстандықтардың қазақша сөйлегенін қалаймын. Жұрттың барлығы қазақша сөйлей алу үшін тілді жаңа әдіс-тәсілдермен үйрету керек. Әйтпесе “қазақша сөйле!”, “ұялмайсың ба?” деп құр айғайлағаннан ештеңе шықпайды. Мен қазір қазақ тілін үйреніп жүрмін, 4 ай бойы арнайы курстан өтемін”, – дейді блогер Ержан Рашев. Блогер қазақ тілін еркін меңгергеннен кейін қазақша жазбалар жариялауға ниетті.