Қазақстанда өмір сапасы мен табысына қанағаттанатындар күннен күнге азаюда – зерттеу

Цифрлар әзірге қорқынышты емес, бірақ қарқыны көрініп тұр

Зерттеу жыл сайын жүргізіледі. 2021 жылы респонденттердің арасында өз өміріне толық қанағаттанатындардың үлесі 63%-дан (2020 жылы) 61,3%-ға дейін азайды. Алайда ішінара қанағаттанғандардың үлесі өсті (35,8-ден 38%-ға дейін). Қанағаттанбағандардың саны 0,6%-дан 0,5%-ға дейін азайды.

Өз кезегінде, 2021 жылы өмір сүру жағдайларына қанағаттанған респонденттер 54,7%. Бір жыл бұрын олардың үлесі 58,1% құрады.

Өмір сүру жағдайларына ішінара қанағаттанғандардың үлесі 40,6-дан 43,7%-ға дейін ұлғайды, алайда қанағаттанбағандардың үлесі 1,2-ден 1,3%-ға дейін өсті.

Өмір мен оның жағдайларына қанағаттану деңгейіне тұрғылықты жері де әсер етеді. Мәселен, қала халқының 56,1%-ы өз өміріне толығымен қанағаттанады, ал өмір сүру жағдайына қанағаттанатындар жартысынан сәл төмен (49,8%). Қанағаттанбағандар – 0,5%, өмір сүру жағдайлары ұнамайтындар – 1,4%.

Ауылдық жерлерде өз өміріне риза болатындар (63,7%) да, өмір сүру шарттарына толық қанағаттанғандар (70,7%) көбірек. Қанағаттанбайтындары – 0,4%, өмір сүру жағдайлары ұнамайтындар – 1,1%.

Респонденттердің үштен бір бөлігінің әл-ауқаты жақсарған

Материалдық қамтамасыз ету деңгейін бағалау бойынша көпшілігі өздерін орта тапқа жатқызады: 65,6% (2020 жылы – 63,8%). Одан кейін орташа деңгейден біршама жоғары қамтамасыз етілгендердің 17%-ы (2020 жылы – 18,1%) және орташа деңгейден төмен қамтамасыз етілгендердің 11,6%-ы (2020 жылы-11,6%) тұр.

Сауалнамаға қатысқандардың 0,4%- ы (2020 жылы – 0,3%) өздерін аз қамтылғандарға жатқызды. Ал қамтылу деңгейі жоғары адамдар – 0,8% (2020 жылы – 0,7%).

Өзін салыстырмалы түрде ауқатты санайтындардың үлесі бір жыл ішінде 5,5-тен 4,6%-ға дейін азайды.

2021 жылы респонденттердің 60,5%-ы өздерінің әл-ауқаты өзгермегенін атап өтті. Сонымен қатар, респонденттердің үштен бірі бірден әл-ауқаты жақсарғанын атап өтті.

Бұл жағдайда тек 6,5%-ы ғана нашарлағанын атап өтті. Бірақ бұл 2020 жылға қарағанда көп (3,3%).