Енді, жүргізушілер аталмыш қағазды онлайн түрде ала алады. Бұл, өз кезегінде қағазбастылықты жоймақ. Керісінше, көліктердің техникалық байқаудан өтуі қиындай түсті. Енді, еліміздің темір тұлпарлары автоматтандырылған жүйеден өтеді.
Бұл туралы “Алматы” телеарнасы хабарлайды.
“Меніңше, бұл бағдарламаның тек қана жақсы жақтарын көріп тұрмын. Себебі, бұл жүргізушілердің өмірін жеңілдетеді деп ойлаймын, ең бастысы уақыт үнемдейді. Жүргізушілерге кеңселерді аралап уақытын құртудың қажеті жоқ. Барлығын онлайн түрде жұмыста немес үйінде отырып-ақ жасаса болады”, – дейді Қазақстанның автобизнес қауымдастығының өкілі Айжан Имашева.
Маман техбайқаудың автоматтандырылғаны көлік тізгіншілеріне қалай әсер етіп жатқанын да айтып өтті.
“Бұл жерде ең басты мәселе жасы үлкен автокөліктерге ремонт жасау құны қымбатқа түседі жүргізушілерге. Бірақта бұл мәселені шешу үшін мемлекеттік бағдарлама бар. Сіз көлігіңізді утилизация бағдарламасы бойынша өткізуіңізге болады, ал қаражатқа жаңа машина сатып алуыңызға болады. 3 жылға дейін автокөліктер техосмотрдан мүлде өтпейді, сол себепті осы бағдарлама бойынша алса тиімді болады деп ойлаймын. Көлік жүріп тұрса, орнынан қозғалып тұрса, бағдарламаға енуге болады”, – дейді ол.