Қазақстан тұмауға қарсы вакцинаның 2,2 млн дозасын сатып алды

— ЖРВИ мен тұмаумен сырқаттанушылық маусымы жақындап келеді. Ағымдағы эпидмаусымға бірыңғай дистрибьютор тұмауға қарсы 2 199 990 доза сатып алды, бұл республиканың жалпы халқының 11%-ын қамтуға мүмкіндік береді, — деген шенеуніктің сөзін «Қазақпарат»  келтіреді.

Министр сондай-ақ вакцинацияланатын азаматтардың санаттарын да атады.

— Жүрек-тамыр жүйесі мен тыныс алу органдарының созылмалы аурулары бар адамдар, жиі ауыратын балалар, жүкті әйелдер, білім беру ұйымдарындағы балалар, ата-анасының қамқорлығынсыз қалған балалар, медицина қызметкерлеріне вакцина салынатынын  еске салғым келеді. Әкімдер ағымдағы жылдың 15 қыркүйегінен бастап тұмауға қарсы егуді бастау бойынша шаралар қабылдау қажет, — деп түсіндірді Цой.