«Қазақстан темір жолы» Ұлттық компаниясы» АҚ ресейлік нарыққа жалпы сомасы 15 млрд рубльдің облигациясын 5 жылға, купондық негізде, 8,75 пайыздық кірісімен шығарды.
Бұл туралы «Қазақстан темір жолы» ҰК» АҚ баспасөз қызметі хабарлады.
Бұл істі «Halyk Finance» АҚ, «Газпромбанк» АҚ, «Аймақ» Брокерлік компаниясы» ААҚ, «Ренессанс Брокер» ААҚ ұйымдастырды.
Мұндай келісім Еуразиялық экономикалық одақ елдері аясындағы маңызды шешім ғана емес, отандық эмитенттің валюта түрінде жаңа нарыққа жол ашуы болып табылады. Болашақта ол қазақстандық компанияларға Ресей ақшасына батыл бағыт ұстауына болатындығын дәйектейді.
Айта кетерлігі, «Қазақстан теміржолы» ҰК» АҚ мемлекеттік қордың 100 пайыздық қатысуымен вертикальды ықпалдасқан көлік-логистикалық холдингі болып табылады. «Қазақстан теміржолы» ҰК» АҚ қазір келесідей рейтингтерге ие: Fitch – BBB -; Moody’s – Baa3; S&P – ВВ.