Қазақстан олигархтары Трамптан да бай екен
Forbes журналы 2018 жылға әлемдегі ең бай адамдардың тізімін жариялады. Бұл жолы атақты рейтингке бес қазақстандық енген деп хабарлайды.
Бұл туралы NUR.KZ хабарлады.
Қазақстан азаматтарының арасында ең жоғары сатыда тұрған 729 қатардағы Тимур және Динара Құлыбаевтар. Отбасы мүшелерінің әрқайсысында 3,2 миллиард доллар қазына бар.
Тимур Құлыбаев “Атамекен” Ұлттық кәсіпкерлер палатасын, Қазақстанның Ұлттық олимпиада комитетін және «Kazenergy» қауымдастығын басқарады.
Динара Құлыбаева еліміздегі ең бай әйел және Қазақстан Халық банкінің акционері болып саналады.
776-шы орында АҚШ президенті Дональд Трамппен бір сатыда қазақстандық Владимир Ким тұр. Олардың қазынасы 3,1 миллиард долларға жеткен.
Владимир Ким тау-кен қазу өндірісіндегі «KAZ Minerals» және “Холдинг Казахмыс” компанияларын басқарады.
Қазақстандағы ірі кәсіппен айналысатын Болат Өтемұратов 2,6 миллиард доллар байлығымен 924-орынға тұрақтаған.
Соңғы, 1070-орында тұрған Қазақстан азаматы – Әлижан Ибрагимов. Байлығы 2,3 миллиард. Ол Eurasian National Resources Corporation компаниясының басшысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе