Қазақстан FIFA рейтингінде 105-ші орынға сырғыды

Қазақтың футболы өрлеудің орнына құлдырап барады. FIFA-ның жаңартылған рейтингін көрсеңіз, ұялып кетесіз.

Бақандай

11 орынға төмен түсіп, 105-ші орында тұрмыз. Енді, ұлттық құрамамыздың жеңілістен көз ашпайтыны рас.

Салыстыра кетсек, көрші Өзбекстан 60-шы орында, Ресей 61-ші орында, Армения 67-ші орында, Беларусь 78-ші орында, Әзірбайжан 87-ші орында тұр.

Әйтеуір, Қырғызстаннан озыппыз, олар 128-ші орында.

9-шы наурызда жарияланған өткен рейтингпен салыстырғанда, көшбасшы ауысыпты. Аргентинаны екінші орынға сырғытып, Бразилия көш бастады. Бразилия құрамасы араға 7 жыл салып, ФИФА рейтингінің бірінші орнына шығып отыр.