Қазақстандық әзілқой Жандос Самалбеков үш жыл бойы орыстың атақты моделі Диана Коркунованың назарын өзіне аудара алмай жүр.
Бұл туралы NewTimes.kz хабарлайды.
Жас жігіт өзінің Instagram парақшасына оның суреттерін жариялап, астына Диана Коркунованың өзінің “ғашығы” ретінде көрсететін жазбалар жариялайды.
“Біз қоштастық, сен кетіп қалдың, жолың болсын. Асығыстан құрт пен ірімшікті ұмытып кеттің. Саған барғанда, өзіммен бірге ала келем”,- дейді КВНщик бір суретінде
“ @diana_korkunova – бірге қыдырып жүрмін. Мені сағынып қалыпты”, деп жазыпты бір суретінде.
Көптеген желі қолданушылары мұны әзіл ретінде қабылдаса, олардың “махаббатарына” сенетіндері де бар екен.
Үш жыл бойы әзілкеш музасын жариялаудан шаршамаған. Соңында, қыз да назар аударыпты.
Фотомодель ешқашан қазақ әзілкешке жауап қатпаған болатын. Бірақ, осы жолы ол Жандостың суретіне пікір қалдырыпты.
“Мына адамдардың не жазып жатқанын түсінсем, күлер едім”,- дейді ол пікірінде.
Айта кетейік, Диана Коркунова-атақты орыс моделі, әкесі-орыс, анасы-қазақ.
Дереккөз: nur.kz