Қаза тапқан үш кеншінің өліміне “АрселорМиттал Теміртау” кінәлі болып шықты

29 қыркүйек 2017, 12:34

Инвестициялар және даму министрлігі Индустриалдық даму және өнеркәсіптік қауіпсіздік комитеті республикалық мемлекеттік комиссиясы жұмысшылардың қаза табуына жұмыс берушінің кінәлі екендігі туралы қорытындыға келді. “Жұмыс берушінің 100-проценттік кінәсі, жұмысшылардың 0-проценттік кінәсі анықталды”, – деп мәлімдеді қорытындыны республикалық мемкомиссия мүшелерінің бірі.

Комиссия құрамында Ресей Федерациясының көмір өнеркәсібі саласындағы сарапшылары да кірді. Еске сала кетсек, 31 тамызда таңғы сағат 4-тер шамасында Қарағанды облысы Шахтинск қаласындағы “Арселор Миттал Теміртау” компаниясына тиесілі “Қазақстан” шахтасында кенет метан газы тарап, сол жерде үш кенші қаза тапты. Олар – Рустам Ахметжанов, Валерий Руденко мен Максим Шебанов.