“Қатты қынжылдық”. Қырғыз президенті аппараты Атамбаевтың сұқбатына қатысты түсініктеме берді
Бішкекте Қазақстанның Қырғызстандағы Төтенше және өкілетті елшісі Айымдос Бозжігітов Қырғызстан Республикасы президенті аппарат басшысының сыртқы саяси мәселелерге жауапты бірінші орынбасары Сапар Исаковпен кездесті.
Кездесуде Қырғызстан президенті аппаратының өкілі Қырғызстан мемлекет басшысы Алмазбек Атамбаевтың «Евроньюс» телеарнасына берген сұхбаты кезінде орын алған ыңғайсыз жағдайға байланысты өз қынжылысын білдірді.
«Қырғызстан Президенті Қазақстан Республикасының Президенті Нұрсұлтан Назарбаевты шын жүрегімен құрметтейді.
Қазақстан мен Қырғызстан арасындағы достық және көршілік қарым-қатынас бұрынғыша жоғары деңгейде қалатынын растау мақсатында Қырғызстан Республикасының сыртқы істер министрі Эрлан Абдылдаевқа ҚР СІМ басшысымен серіктестікті ары қарай дамыту мәселелерін жеке талқылау тапсырылады», – деп сендірді қырғыз өкілі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе