Қаржылық сауаттылық отбасынан басталады

Халықтың қаржылық білімін арттыру қаржылық қызметтерді тұтынушылардың құқықтарын қорғау жүйесінің негізгі элементі, халықтың және бизнестің қаржылық қызметтерге үздіксіз қол жеткізуінің, қаржылық тұрақтылық пен халықтың әл-ауқатын қамтамасыз етудің шарты болып табылады.

Қаржылық сауаттылық халықтың хабардарлығын, қаржылық білімі мен дағдыларын, мінез-құлық үлгілерін жетілдіруге, жеке немесе отбасылық бюджетті басқару бойынша дұрыс және теңгерімді шешімдер қабылдауға көмектесуге бағытталған қаржылық білім берудің үздіксіз процесі арқылы жүзеге асырылады.

Биыл сәуір айынан бастап Қазақстан Республикасы Ақпарат және әлеуметтік даму министрлігінің қолдауымен «Жастар салауатты өмір салты үшін» ҮЕҰ «Азаматтық бастамаларды қолдау орталығы» ҰАО мемлекеттік гранты аясында «Қаржылық сауаттылық отбасынан басталады» жобасын жүзеге асыруда. Жобаның негізгі мақсаты – бизнес-тренерлерді тарта отырып, кәсіпкерлік дағдыларды дамыту, кәсіпкерлікті енгізу, көшбасшылық қасиеттерді дамыту, жас және көп балалы отбасыларға отбасы бюджетін дұрыс бөлу бойынша курстарды ұйымдастыру және өткізу.

Жобаның іс-шаралары қазақстандықтардың қаржылық сауаттылығын арттыруға бағытталған. Жоба мамандарды, блогерлерді және қоғамдық пікір көшбасшыларын тарта отырып, Tik-Tok әлеуметтік желісінде қаржылық сауаттылық бойынша тренингтер мен бірқатар семинарлар мен практикалық жаттығулар өткізеді. «Қаржылық жағдайы қиын отбасы», «Несиелер және шағын несиелер», «Ипотекалық несие: артықшылықтар мен шектеулер», «Болашаққа салынатын инвестиция», «Алаяқтарды қалай ажыратуға болады?», т.б тақырыптарға шеберлік сабақтары өтеді. Қаржылық сауаттылық бойынша аудиосабақтарды өткізудің әдістері мен бағдарламалары әзірленді. «Атамекен» ҚР ҰКП сарапшыларымен бірлесе отырып, бизнес-жоспарларды әзірлеуге, жеңілдетілген несие алуға өтініштерді толтыруға, ауыл тұрғындарына басымдық беріп, кәсіп ашуға көмектесуге көмек көрсетілді.

Қазіргі уақытта «Қаржылық сауаттылық отбасынан басталады» телеграм-арнасы іске қосылды. Онда отбасылардың, соның ішінде ауыл тұрғындарының қаржылық сауаттылығын арттыруға арналған бейне- және аудиоматериалдар орналастырылады. Сонымен қатар балаларға арналған «Қаржылық сауаттылық отбасынан басталады» сұрақ-жауап айдары болады. Бұл жерде онда балаларды ақшаға ұқыпты қарауға тәрбиелеу қағидаттарын оқыту бойынша инфографикалар ұсынылып, бейнероликтер көрсетіледі. Арнаға мына сілтеме арқылы қосыла аласыз.