Баян Есентаеваның бұрынғы қайын сіңілісі Нағима Есентаева ақшаның құлы болып, тәнін сатып жүрген қыз-келіншектерге өзінің жанайқайын жеткізді. Ол желідегі парақшасында астарлы жазба қалдырды деп хабарлайды NUR.KZ.
“Мына суретке карап көп нарсе ойыма түсiп отыр. Қайран көк қағаз қаншама жанды тәуелді етіп қойған. Қаншама адам осы қағаз үшін шындықты жалғанға айналдырып, қаншама жанның көз жасына қалып, аяғында темір тордың ар жағында отыр.
“Қаншама қыз-келіншек осы қағаздың құлы болып тәнін сатып, отбасын ойран етіп, ортасына түсіріп, аяғында өкініштен бармағын тістелеп жүр. Суретке қарап тұрып, “қарғыс атқыр көк қағаз, талайдың өміріне балта шапқан”, – дегің келеді”, – деп жазды ол.
Ал желі қолданушылары болса Нағима Есентаева бұл жазбаны бұрынғы жеңгесіне арнағанын айтып, шулап қоя берді. Ал кейбір оқырмандары оған басу айтып, сабырлылық таныту керектігін ескертті.