14 қараша күні Қарағанды облысының Шахтинск қаласы жанындағы Долинка кентінде үй өртеніп, үш бала мен бір қария мерт болды, деп хабарлайды ҚазАқпарат.
Кейін анықталғаны бойынша, үйде 2015, 2014 және 2011 жылғы балалар 63 жастағы қариямен бірге қалған. Өрт сөндіруге келіп жеткен құтқарушылар оларды аман алып қала алмады. Қазір өрттің шығу себебі мен жалынның залал келтірген аумағы анықталуда.