Қарағанды облысында екі жол апаты болып, алты адам қаза тапты
Қарағанды облысында 14 ақпанда екі жол апаты салдарынан алты адам ажал құшты, деп хабарлады облыстық ішкі істер департаменті баспасөз қызметі.
Бірінші жол апаты таңғы тоғыз кезінде Шешенқара ауылынан 30 шақырымдай жерде болған. Полиция мәліметіне сүйенсек, Toyota Camry мінген 62 жастағы жүргізуші Қарқаралы жаққа кетіп бара жатып, 68 жастағы ер адам мінген “ВАЗ-2123” көлігіне соғылған.
Салдарынан “ВАЗ-2123” көлігінің жүргізушісі мен 49 жастағы Toyota жолаушысы оқиға орнында қаза тапты. Toyota жүргізушісі мен оның 82 жастағы жолаушысы ауруханада көз жұмған. Тағы үш жолаушы әртүрлі жарақатпен ауруханаға жатқызылды.
Екінші апат 13.30 кезінде Қызылқой ауылынан бес шақырым жерде болды. LADA Granta көлігінің 36 жастағы жүргізушісі Жезқазғанға кетіп бара жатыпты. Бастапқы мәлімет бойынша, ол қарсы бетке шығып кетіп, 51 жастағы ер адам мінген Toyota Camry көлігіне соғылған.
Жол апаты салдарынан қос жүргізуші де оқиға орнында қаза болды. Екі көліктің бес жолаушысы ауруханаға жатқызылды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз