Қалыңдығынан айырылған жігіт бәсекелесін атып тастады
Жамбыл облысында қалыңдыққа таласқан ауыл тұрғындары арасындағы атысқа қатысты сот отырысы өтті, деп хабарлайды Baq.kz ақпарат агенттігі Шу аудандық сотының баспасөз қызметіне сілтеме жасап.
Шу аудандық соты ҚР Қылмыстық кодексінің 287-бабы 2-бөлімі (Суық қаруды заңсыз ұстау) және 293-бабы 3-бөлімі 2-тармағына сәйкес Ф. есімді азаматқа қатысты қылмыстық істі қарады.
«Жолда Ф. есімді азамат А.М. және А.А. есімді ағайындыларды кездестіреді. Жігіттер арасында жанжал туады. Бұған себеп А.А. есімді азаматтың құда түскен қызының Ф. есімді азаматпен қашып кетіп, соған тұрмысқа шығуы болған», – дейді баспасөз қызметінің өкілдері.
Осыдан кейін жігіттер кездесетін орын белгілеп, кездесу арты төбелеске ұласқан. Төбелес кезінде Ф. есімді азамат травматикалық қарудан оқ атып, қарсыласын жеңіл жаралаған. Ал ағайынды жігіттермен еріп келген А.Р. есімді ер адам 16 калибрлі аңшы мылтығынан Ф. есімді жігітті атқан. Салдарынан ол бытыра оқтан көптеген жеңіл жарақат алған.
Сот отырысы кезінде Ф. өз кінәсін толық мойындады, ал А.Р. есімді күдіктіге қатысты іс бөлек қаралады.
Сот шешіміне сәйкес, Ф. есімді азамат кінәлі деп танылып, үш жылға бас бостандығынан айырылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе