“Кеткені дұрыс болды”. Германияда Головкинді чемпион ретінде мойындамаған
BILD басылымы орта салмақтағы германиялық кәсіпқой боксшы Джек Кулкайдың (23-3-0, 11КО) қазақстандық Геннадий Головкинге қарсылас атануы мүмкін екені туралы жазған болатын. Осы орайда спортшының өзі де GGG-мен бокстасқысы келетінін жасырмады, деп хабарлайды Baq.kz ақпарат агенттігі Sports.kz басылымына сілтеме жасап.
«Золотой Джек» лақап атымен танымал 32 жастағы боксшы (орта салмақтағы BoxRec әлемдік рейтингінде 16-орында) Головкинмен жанама қатысы барын айтты.
«Головкинмен бокстасқым келеді. Ол – әлем чемпионы. Айтпақшы, әйелім – Қазақстанның тумасы. GGG-ге қарсы жекпе-жек үлкен айқас болар ма еді? Оған қоса допинг дауына байланысты «Канеломен» жекпе-жек кейінге қалып тұр. Головкин Америкаға кетіп дұрыс жасады… Германияда оны чемпион ретінде ешкім мойындамады», – деді ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе