Кейкі батырдың бас сүйегінен қалпына келтірілген суреті әзірленді. Суретті қоғам қайраткері, саясаттанушы Берік Әбдіғалиұлы Фейсбуктегі парақшасында жария етті, деп хабарлайды inform.kz.
Батырдың бас сүйегін қалпына келтіру жұмыстары қазан айының басында Мажарстанда басталған болатын. Венгрияның жаратылыстану ғылымдары музейінің антропологиялық бөліміне жетекшілік ететін Агнеш Куштар Кейкі батырдың бас сүйегін қалпына келтіру жұмыстарын өз басшылығына алған еді.
Бұдан бұрын хабарланғандай, 6 қазан күні Кейкі батырдың бас сүйегі Ресейден Қазақстанға жеткізілді.
Ол 93 жыл бойы Санкт-Петербор қаласындағы Кунсткамерада сақталып келген.