KAZKOM клиенттеріне Кеңес Рақышевтің өзі қызмет көрсетпек
«Қазкоммерцбанк» АҚ басқарма төрағасы Кеңес Рақышев баспасөз мәслихаты барысында бір жұмыс күнін банк клиенттеріне қызмет көрсетуге арнайтынын мәлімдеді.
Белгілі бизнесмен үнемі әлеуметтік желіден банк сервисі туралы елдің ой пікірін оқитынын жеткізді.
«Сервис… Фейсбуктан комментарийлерді оқыдым. Бұл жағынан біз біраз артта қалып қойыппыз. Клиенттердің біз туралы жағымсыз жазғанының өзі олардың бізден басқа банкке ауыспағанын көрсетеді. Қазір коммерциялық банктер өте көп. Бірақ, белгісіз себептерге байланысты біз оларды сағаттап күтуге мәжбүрлейміз», – деді директорлар кеңесінің басшысы.
«Мен бұл мәселемен айналысамын. Тестілік режимде банктің қызметін жаңартамыз, жаңа дизайн, жаңа қызмет ұсынамыз. Бұл үшін мен және Марк Хольцман, Абай Искандеров үшеуіміз банк клиенттеріне бір күн қызмет ететін боламыз. Клиент біз үшін ең басты басымдыққа ие», – деді К.Рақышев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе