Каспийде екі жыл бойы балық аулауға тыйым салынуы мүмкін, деп хабарлайды 24.kz.
Тиісті мекемелер қазір осы бағытта жұмыс істеп жатыр. Ал, сәуірдің 1-інде елімізде балықтарды заңсыз аулаумен күрес әрі қара базарда саудалайтындардың жолын кесу үшін «Бекіре» акциясы басталды. Шара 31 мамырға дейін созылады. 97 мемлекеттік инспектор 20 балық қорғау бекеті жұмыла жұмыс істеп жатыр. Жиырма бір күн ішінде тәртіп бұзушыларға 3 млн теңге көлемінде айып салынған. 811 ау табылып, 95 жүзу және көлік құралдары ұсталды. Тәркіленген 53 тонна балықтың 845 келісі бекіре тұқымдас көрінеді. 10 келі уылдырық тағы бар.
Сәкен Ділдахмет, ҚР АШМ Орман шаруашылығы және жануарлар дүниесі комитетінің өкілі:
– Балықтардың қырылуына басты факторлардың бірі болған күннің жылынуынан көтерілуі, тасуы болатын. Жамбыл облысына келетін болсақ, Байзақ ауданындағы арнада су көтерілген болатын, су көтерілгенінің әсерінен балықтар шығып қалды. Бірақ Жамбыл облыстық аумақтық инспекциясының қызметкерлерімен бүгінге дейін бұл балықтар құтқарылып, осылай мәселе шешілген болатын. Енді факторлар өте көп. Солтүстік Қазақстан облысында зерттеулер алынды. Зерттеліп жатыр.