Жануарлардың өліміне мұзжарғыш кеме мен броконьерлер құрған қытайлық торлар кінәлі екен. Өлекселерге жасалған сараптама қорытындысын жариялаған Ауыл шаруашылығы министрлігі осылай деп отыр, – деп хабарлайды КТК арнасы.
Айтуларынша, аймақта дабыл қағарлық мәселе жоқ. Жануарлардың денесінен ешқандай ауру анықталмаған. Тек теңіздегі қытай торынан құтылсақ итбалық енді өлмейді дейді министрлік өкілдері. Естеріңізге сала кетейік, бұған дейін Каспий жағалауынан жаппай қырылған итбалықтардың өлекселері табылған еді. Бірақ Алматыдан вирусологтар жеткенше, жергілікті билік олардың басым бөлігін өртеп жіберген.
“Біз сараптама жасадық. Ешқандай экологиялық апат жоқ. Бәрі адам қолымен жасалып отыр. Қытай торларының кесірінен өлген көбісі. Сондай-ақ мұз еріген кезде үлкені бар кішісі бар үш жүзден астам итбалықтың қырылғаны да белгілі болды”
– дейді ҚР Ауыл шаруашылығы министрлігі орман шаруашылығы және жануарлар әлемі комитеті төрағасының міндетін орындаушы Марлен Айнабеков.