Өзбекстанның тұңғыш президенті Ислам Кәрімовтің жиені, журналист Жамшид Кәрімовтің психиатриялық ауруханадан шыққанына жарты жыл болды, бірақ әлі төлқұжат алмаған. Оны 11 жыл бойы еркінен тыс қамауда ұстаған.
Жамшид Кәрімовтің айтуынша, президент Шавкат Мирзиёевтің атына жазған өтініштеріне әлі жауап келмеген.
Ол қазір Жизақта тұрады. Журналист билікке сын айтқаны үшін қудаланған.
“10 жыл бес ай бойы бір адамдық камерада отырдым. Маған тағылған жалғыз айып – шизофрения. Көкемнің қайтыс болғаны туралы хабарды күтпеген едім. Өйткені оның өлімі менің зынданнан босануыма түрткі болды”, – деді Жамшид Кәрімов.
Ол түрлі кедергілерге қарамастан, журналистік жұмысын жалғастырғысы келеді.