Көкшетауда полиция майоры өз әріптесін өлтіргенін мойындады

Ведомство мәліметінше, 26-желтоқсанда Көкшетау қалалық ішкі істер басқармасы 25 желтоқсан күні Көкшетау ішкі істер басқармасы кезекшілік бөлімінің 1989 жылы туылған жедел қызметкері Еламанов Дархан Мұратұлының жоғалып кетуіне байланысты сот алды тергеу ісін бастады. Сол күні сот алды тергеу жұмыстары Қылмыстық кодексінің 99-бабы, 1-бөлігі бойынша, яғни „Кісі өлтіру„ бабына ауыстырылды.

“Жедел іздестіру шаралары барысында жасалған қылмысқа Ақмола облысы ішкі істер департаментінің қылмыстық істер полициясы басқармасының жедел қызметкері, полиция майоры, 1984 жылы туылған Баймурзин Жәнібек Қайырбекұлының қатысы бары анықталды. 27 желтоқсан күні Баймурзин ұсталып, уақытша ұстау изоляторына қамалды”, — деп ақпарат берді прокуратура.

Баймурзин кісі өлтіргенін мойындап, қылмыстық істі тергеуге көмектесетінін мәлімдеді.