Ұлттық банктегілер ҚР Ұлттық қауіпсіздік комитетінің Бірыңғай жинақтау зейнетақы қорының қызметін тексере бастағанын хабарлады.
Бұл жерде әңгіме БЖЗҚ-ның «Бузгул Аурум» ЖШС-нің облигацияларын сатып алуы туралы қозғалып отыр. Бұл туралы ҚР Ұлттық банкінің тұтынушылар құқығын қорғау және сыртқы коммуникациялар департаментінің басшысы Александр Терентьевке сілтеме жасаған zakon.kz хабарлайды.
ҰҚК-нің Алматы қаласы бойынша департаменті бұл келісімге кейбір құқық бұзушылықтар жол ашты деп күдіктенуде. Сондықтан, осы дерек бойынша қылмыстық іс қозғалды.
Осыған байланысты қазіргі таңда арнайы қызмет мамандары 21-желтоқсаннан бастап Ұлттық банкпен бірлесіп БЖЗҚ қызметін тексеруде. Бұдан бұрын тексерудің мақсаты туралы айтылмаған болатын. Ұлттық банктегілер тек қордың өз қаржыларын орналастыру боойынша операцияларды тексеріп жатыр деумен шектелген еді.
KASE сайтындағы мәліметтер бойынша, «Бузгул Аурум» ЖШС геологиялық барлау және бұрғылау жұмыстарымен айналысады.