“Ислам мемлекеті” жетекшісінің ең жақын адамы – Әбдірахман Өзбеки өлтірілді
Америкалық әскер Өзбекстан тумасы делінетін Әбдірахман Өзбеки қайтыс болғанын хабарлады. Ол “Ислам мемлекеті” террористік ұйымының жетекшісі Әбу Бәкір әл-Бағдадидің ең сенімді адамы ретінде белгілі.
Хабарларға қарағанда, ол 6 сәуірде Майадин қаласы маңындағы құпия арнайы операция кезінде өлтірілген.
“Бұл құрлық операциясы еді. Бар айтарымыз осы ғана”, – деді АҚШ Қарулы күштері Орталық қолбасшылығының өкілі полковник Джон Томас. Ол Өзбекидің әуе шабуылынан қайтыс болмағанын ескертіп өтті.
Америкалықтар Әбдірахман Өзбекидің Стамбул қаласындағы Rein түнгі клубында биыл 1 қаңтарда болған шабуылға қатысы бар деп отыр. Сол шабуылдан 39 адам қаза тауып, 69 адам жараланған еді. “Ислам мемлекеті” ұйымы теракт жауапкершілігін өз мойнына алған.
Түнгі клубтағы қарулы шабуылды 34 жастағы Өзбекстан тумасы Абдулқадыр Машарипов жасады. Ол шабуылдан 16 күннен кейін Стамбулда ұсталды.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз