“Іш киіммен қашып шыққан…”. Танымайтын жігітке күйеуге шығудан бас тартқан қыз соққыға жығылды

Ташкенттік адам құқығын қорғаушы Елена Урлаеваға медбике Камола Абдуллаева шағым айтып барған. Қызды 11 қазанда №2 аурухана маңында бір топ адам сабап соққыға жыққан.

AsiaTerra сайтының мәліметі бойынша, медбикені анасы Карима Курбанова, сонымен бірге Мұрат және Батыр есімді екі жігіт ұрған. Камоланың айтуынша, оны ұрып қана қоймай, айқайламас үшін аузын скочпен жапсырып қоюға тырысқан.

Жас қыз Мұрат есімді жігітке тұрмысқа шыққысы келмегені үшін соққыға жығылғанын айтты. Қыз бұл жігітті өмірінде екі рет қана көрген.