Головкин WBC бойынша 2017 жылдың үздік боксшысы деп танылды

Бүкіләлемдік бокс кеңесі (WBC) 2017 жылдың қорытындысы бойынша түрлі номинация жеңімпаздарын жариялады.

Бұл туралы sports.kz хабарлайды.

Ең үздік боксшы деп қазақстандық Геннадий Голвкин танылды (37-0-1, 33 КО). Өткен жылы ол екі жекпе-жек өткізді. Наурыз айында төрешілердің бірыңғай шешімімен америкалық Дэниэл Джейкобсты (33-2, 29 КО) есебімен ұтса, қыркүйек айында мексикалық боксшы Сауль Альвареспен (49-1-2, 34 КО) тең түсті. Осылайша ол орта салмақта WBC, WBA (Super), IBF және IBO чемпиондық белбеулерін сақтап қалды.

«WBC бойынша чемпион екі рет өзінің белбеулерін сақтап қалды. P4P рейтингінде бірінші орында», – деп жазды ұйымдастырушылар твиттер парақшасында.