Ғарышты ластап жатқан елдердің көшін АҚШ бастап тұр, оның ізін ала Ресей мен Қытай келеді.
Бұл туралы Business Insider басылымына сілтеме жасап, ҚазАқпарат хабарлады.
Басылымның мәліметтеріне қарағанда, Жер орбитасында 14 мыңнан астам зымыран сынықтары және басқа да ірі ғарыш қоқыстары айналып жүр. Соның 3999-ы АҚШ-қа тиесілі болса, Ресей ғарыш кемелерінен 3961 ірі қоқыс шыққан, 3475 бөлшек – Қытай ұшырған зымырандардың қалдығы.