Астрономдардың халықаралық ұжымы Ай қойнауынан су тапты, – деп хабарлайды Lenta.ru.
Ғалымдардың зерттеуі Nature Geoscience журналында жарияланды және Браун университетінің ғалымдары ол туралы қысқаша баяндап берді. Мамандар Үндістанның Chandrayaan-1 жер серігі арқылы жинаған мәліметтерді зерттей келе, спектралды сараптама негізінде Ай бетіндегі ежелгі жанартау қалдықтарының химиялық құрамында судың мол екенін анықтады.
Айда су бары мұның алдындағы Apollo миссиясы кезінде де дәлелденген. Сонымен қатар, Ай полюсінің түнек басып тұрған кратерлерінде мұздар бар.