Тамаққа тұтас дәнді жармаларды пайдалану адам организміне жақсы әсер етеді.
Гарвард профессоры Ким Браун мен оның әріптестері тамақтану әдеттеріне жүргізілген үш үлкен зерттеу деректеріне және америкалық денсаулық сақтау жүйесі қызметкерлерінің денсаулығының жағдайына талдау жүргізді. Оған барлығы екі жүз мың адамдай қатысты. Зерттеу барысында екінші деңгейлі диабетпен ауыратын 12 мың жағдайды тіркеген.
Жұмыс нәтижелері рационда қанық майлы қышқылдар, моно- және полиқанықпаған майлар, жануарлар мен өсімдік ақуыздардың орнына сапалы баяу қорытылатын көмірсулар болса ауруға шалдығу қауіпі төмендейтінін көрсетті.
Баяу көмірсуларға тұтас дәнді жармалар, көкөністер мен құрамында жасымығы көп өнімдер жатады. Олардың гликемиялық индексі төмен, осындай өнімдерді тұтынғанда огранизм инсулинді азырақ бөледі. Бұл қандағы қант деңгейінің бірден артып кетуінің алдын алады. Ғалымдар тез қорытылатын көмірсуларды қаныққан майлармен алмастырғанда да диабет қаупінің төмендейтінін байқаған.