Шымкенттің бұрынғы әкімі Ғабидолла Әбдірахымов әріптестерімен қоштасты.
Бұл туралы TVK арнасы хабарлайды.
«Менің мемлекеттік қызметтегі ең керемет күндерім Шымкент қаласында өтті. Орынбасарыма, бөлім меңгерушілеріне, аудан әкімдеріне алғысымды айтам. Жұмыс болған соң келеңсіздіктер де болып жатады. Сіздерді ренжіткен кезім болса, кешірім сұраймын. Сіздерді шын ықыласыммен құрметтеймін», – деді бұрынғы қала әкімі Ғабидолла Әбдірахымов.
Ғабидолла Әбдірахымовтың қызметтен кететінін естіген желі қолданушылары екі түрлі пікір жазды. Бірі оның әкім қызметінен кетуін қаламаса, енді бірі уәде еткен көп нәрсенің іске аспағанын сөз етті.
Шымкент қаласына әзірге кімнің басшылық ететіні белгісіз. Бұған дейін кеткен әкімдер БАҚ алдында орнын жауапты адамға тапсырып келген еді.