Еуропалық сот Немцовты өлтірді деген айыппен сотталғандарға өтемақы төлеуді міндеттеді
Адам құқықтары жөніндегі еуропалық сот Ресей билігіне саясаткер Борис Немцовтың өліміне қатысты іс бойынша сотталған Темірлан Эскерхановқа алты мың евро өтемақы төлеуге міндеттеді. Арызданушы тергеу абақтысындағы жағдайға, сонымен бірге Мәскеудің Басман сотының әрекетіне шағымданған.
Дәл осындай арызды оппозициялық саясаткерді өлтірді деп айыпталғандар – ағайынды Анзор мен Шадид Губашевтер де түсірген. Олардың арыздарын еуропалық сот қабылдамады.
Борис Немцовты 2015 жылы ақпанда Кремльге жақын маңда өлтіріп кетті. Оны өлтірді деген айыппен Шешенстан тумалары Заур Дадаев, Анзор және Шадид Губашевтер, Тамерлан Эскерханов және Хамзат Бахаев сотталды. Оларды 11 жылдан 20 жылға дейін бас бостандығынан айырды.
Немцов отбасының адвокаттары қылмыс ашылмады деп есептейді. Саясаткердің туыстары мен жақтастары кісі өлтіруге Шешенстан басшысы Рамзан Қадыровтың қатысы бар деп есептейді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз