Ертең балалар Президент шыршасына Астанаға жиналады
Ертең елордадағы Оқушылар сарайында ҚР Президенті Нұрсұлтан Назарбаевтың атынан жаңажылдық шырша өтеді.
Бұл жайында Астана қалалық білім басқармасының сайтында хабарланды.
«Іс-шараға 200 бала қатысады. Оның ішінде 26 – жетім, 43 – ата-анасының қамқорлығынсыз қалған балалар, 5 – ерекше қажеттіліктері бар балалар, 126-ы аз қамтылған отбасынан шыққан балалар бар. Мерекелік бағдарлама аясында балаларды ертегі әлеміндегі кейіпкерлердің қатысуымен шоу-қойылымдар, жаңажылдық және Қазақстан Республикасы Президенті Нұрсұлтан Назарбаевтың видеоқұттықтауы күтетін болады», – делінген басқарма ақпаратында.
Ал 23-желтоқсанда осы Оқушылар сарайында Астана қаласы әкімі Әсет Исекешевтің атынан Жаңа жылдық шырша ұйымдастырылады. Оған 300 бала қатысады. Мерекелік бағдарлама аясында балаларды ертегі әлеміндегі кейіпкерлердің қатысуымен шоу-қойылымдар, жаңажылдық сыйлықтар күтеді.
Балаларға «ЭКСПО-2017» көрмесі аумағында орналасқан «Нұр Әлем» сферасына экскурсия және естелік фотоға түсу шаралары жоспарланған.
Серіктестер жаңалықтары
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз