Ертең елордадағы Оқушылар сарайында ҚР Президенті Нұрсұлтан Назарбаевтың атынан жаңажылдық шырша өтеді.
Бұл жайында Астана қалалық білім басқармасының сайтында хабарланды.
«Іс-шараға 200 бала қатысады. Оның ішінде 26 – жетім, 43 – ата-анасының қамқорлығынсыз қалған балалар, 5 – ерекше қажеттіліктері бар балалар, 126-ы аз қамтылған отбасынан шыққан балалар бар. Мерекелік бағдарлама аясында балаларды ертегі әлеміндегі кейіпкерлердің қатысуымен шоу-қойылымдар, жаңажылдық және Қазақстан Республикасы Президенті Нұрсұлтан Назарбаевтың видеоқұттықтауы күтетін болады», – делінген басқарма ақпаратында.
Балаларға «ЭКСПО-2017» көрмесі аумағында орналасқан «Нұр Әлем» сферасына экскурсия және естелік фотоға түсу шаралары жоспарланған.