Үкіметтің бүгінгі отырысы басталмай тұрып ҚР Премьер-Министрі Бақытжан Сағынтаев қатты аязға байланысты бірқатар міндеттерді жүктеді.
Бұл туралы ҚазАқпарат хабарлады.
“Кешеден бері еліміздің бірқатар өңірлерінде күн райы қатты суып кетті. Синоптиктердің болжамы бойынша, күшті аяз тағы да бірнеше тәулікке созылады. Қазірдің өзінде еліміздің алты өңірінде ауа температурасы -30 бен -40 арасында. Осындай үскірік аяз еліміздің оңтүстігіндегі төрт өңірінде болады деген болжам бар”, – деп атап көрсетті Бақтыжан Сағынтаев.
“Білім беру ұйымдарында сабақтың болмайтыны туралы xалықты дер кезінде xабардар етіңіздер. Қоғамдық көлік кесте бойынша жұмыс істеуі керек. Кезекшіліктің нақты тәртібі болуы шарт. Қазіргі жағдайға байланысты “102” диспетчерлік қызметі үздіксіз жұмыс істеуі тиіс. Ішкі істер министрлігі автожолдарды бақылап, керек кезде барлық көлік құралдарының қозғалысына шектеу қою туралы шешімді дер кезінде қабылдауы шарт”,- деді Үкімет басшысы.
Сондай-ақ, әкімдіктер көлік жүргізушілері мен жолаушыларды жылытуға арналған жылжымалы бекеттердің жұмысын ұйымдастыруы тиіс. Сол жерде ыстық тамақ берілуі шарт.
“Мемлекеттік органдар мен жеке меншік ұйымдардың басшыларына айтарым, өз қызметкерлеріңізді жұмыста ұзақ ұстамаңыздар.
Мүмкін болса, барлық қызметкерлерді үйге дейін жеткізуді ұйымдастырыңыздар”, – деп атап көрсетті Сағынтаев.