“Еркебұлан деген кім өзі?”. Қазақтар “Мессиінен” айырылып қалғалы тұр (видео)

5-қаңтарда спорт комментаторы Нобель Арустамян 17 жастағы қазақтың шабуылдаушы футболшысы Еркебұлан Сейдахметтің “Уфа” клубына ауысып жатқанын мәлім етті.

Ал былтыр ол “Зенитке” кетпекші болған, бірақ 18-ге толмағандықтан бұл келісімшарт ортадан үзілген еді деп хабарлайды Vesti.kz. Еркебұланға ең алдымен ресейліктердің көзі түскен, ал қазір оған қызығушылық танытушылар жан-жақтан хабарласып жатқан көрінеді. Соның ішінде Испания да бар.

Мәселен, спортқа шолу жасайтын Voetbalzone.nl голланд порталы біздің Еркебұланды Мессиге ұқсатқан. Содан бастап оны қазақтың Мессиі деп атай бастапты.

Еркебұлан Сейдахмет 17 жаста. Тараздың тумасы. 23-ақпанда ол 18-ге толады. Ол былтыр Санкт-Петербургте жақсы өнер көрсетіп мамандардың көзіне түскен. Одан соң Италиядағы Viareggio Cup атақты турнирінде жасындай жарқылдады.